1.Նախադասությունները տարբեր ձևերով կետադրիր այնպե՛ս, որ իմաստը փոխվի։
- Նա թագավորին նամակ էր գրել իր որդու Եգորի մասին:
Նա թագավորին նամակ էր գրել իր որդու՝ Եգորի մասին:
- Վաղուց չէր տեսել ընկերոջը Վահագնին:
Վաղուց չէր տեսել ընկերոջը՝ Վահագնին:
- Նուբարենց տունը համարյա ամեն օր լի էր հյուրերով Զավենի ընկերներով:
Նուբարենց տունը համարյա ամեն օր լի էր հյուրերով՝ Զավենի ընկերներով:
- Իշխանը կանչեց բերդապետին Վահրամին մի անգամ ևս զգուշացնելու գիշերային արկածի մասին:
Իշխանը կանչեց բերդապետին՝ Վահրամին, մի անգամ ևս զգուշացնելու գիշերային
արկածի մասին:
2.Տեքստը կարդա՛ և առաջադրանքները կատարի՛ր։
Գողը գիշերով մի հարուստի տուն էր թալանել, իր ավարն առել, գնում էր։Նրա դեմ դուրս եկավ պահակը։ Նա գողին հարցրեց, թե պարկում ի՛նչ կա և ո՛ւր է տանում։ Գողը հանգիստ բացատրեց, թե տան տերը մեռել է և մեռնելուց անմիջապես առաջ իրեն պատվիրել է որոշ իրեր տանել եղբոր տուն։ Այդ բացատրությունը պահակին կասկածելի թվաց։ Նա հարցրեց, թե ինչո՛ւ այդ դեպքում տնից ողբ ու՝ կոծ չի լսվում։ Բայց գողը դրա պատասխանն էլ ուներ։ Ասաց՝ թող պահակը հանգիստ սպասի՛ մինչև առավոտ, առավոտյան անպայման կլսես, թե տնեցիները ինչպե՛ս են ողբում ու լալիս։ Միամիտ պահակը պատասխանի երկիմաստությունը չզգաց և բաց թողեց գողին։ Առավոտյան նա լսեց, թե մեծատունն ու կինը ինչպես են ողբում ու անիծում, ամեն ինչ հասկացավ, բայց էլ ի՞նչ աներ։
Առաջադրանքներ․
Ա) գրի՛ր ո՞րն է այս տեքստի ասելիքը,
Գողը խելացի էր, իսկ պահակը հիմար: Միշտ խելացին՝ ով էլ ուզում է լինի, հիմարին կարող է հաղթել:
Բ) հերոսներին նկարագրի՛ր և բնութագրիր ( չորս—հինգ գործող անձ թող լինի),
Գողը-խելացի և խորամանկ
պահակ- հիմար, վստահող և միամիտ
մեծատուն-միամիտ, անուշադիր
տան կինը- միամիտ, անուշադիր
Գ) գործողության վայրը նկրագրի՛ր
հարուստի տուն , գիշերային փողոց
Դ) բացատրի՛ր՝ ինչպե՛ս են հասկանում այս նախադասությունը ՝
«հանգիստ սպասի՛ր մինչև առավոտ, առավոտյան անպայման կլսես, թե տնեցիները ինչպե՛ս են ողբում ու լալիս։»
ա/ գողը-հումորով է ասում՝ զգալով պահակի միամտությունը,
բ/ պահակը-հասկանում է բառացի, ուղիղ ձևով
Ե) տեքստը սցենարի վերածի՛ր
Գիշեր է, հարուստի տուն , բոլորը քնած են, բացի այնտեղ ներթափանցած գողը:
Գողը հավաքելով ավարը, դուրս է գալիս մութ, գիշերային փողոց: Զգուշորեն քայլում է դեպի իր տուն :
Դեմ-դիմաց դուրս է գալիս գիշերային պահակը:
-Կանգնի՛ր, պարկում ի՞նչ կա , էս ու՞ր ես տանում, -հարցրեց նա գողին:
-Տան տերը մեռել է և մեռնելուց անմիջապես առաջ ինձ պատվիրել է որոշ իրեր տանել իր եղբոր տուն։
— Ինչպե՞ս, ինչու՞ այդ դեպքում տնից ողբ ու կոծ չի լսվում, -հարցրեց նա գողին:
-Դու հանգիստ սպասի՛ մինչև առավոտ, առավոտյան անպայման կլսես տնեցիների ողբի ու լացի ձայնը,- ասաց գողը։
Պահակը բաց է թողնում գողին՝ հավատալով նրան:
Գողը հեռանում է մթության մեջ:
Փողոց: Լույսը բացվել է: Հարուստի տան մոտ գիշերային պահակն է կանգնած:
Հարուստի տանից լսվում է ողբի ու անեծքի ձայներ:
Պահակը հասկանում է եղելությունը:
Զ) սցենարդ վերնագրի՛ր
Խորամանկ գողը և միամիտ գիշերային պահակը:
ՄԱՐԻ ՍԱՐԳՍՅԱՆ #ԼՈՒՆԱ 
