Բարև ձեզ, ես Սարգսյան Մարին եմ: Այսօր <<Առողջ ապրելակերպ>> նախագծի շրջանակում կպատմեմ իմ ապրելակերպի մասին: Առավոտյան, երբ արթնանում եմ, սովորաբար նախաճաշում եմ, որից հետո մայրիկիս ու տատիկիս հետ մարզանք ենք անում: Մեր ընտանիքում ընդհունված է նախաճաշել, ճաշել և ընթրել, և ուշ ժամի չուտել: Իմ մայրիկը միշտ ասում է, որ մարդն այնքան պետք է ուտի, որ սովի զգացողություն ունենա, այսինքն չկշտանա:
Ես մսակեր չեմ՝ շատ չեմ ուտում մսեղեն:
Շատ սիրում եմ մակարոնեղեն, բանջարեղեն:
Առողջ ապրելակերպի հետ կապված, ես գիտեմ, որ բանանը չի կարելի ժամը 15:00-ից հետո ուտել՝ չնայած չեմ կարողնում զսպել ինձ, երբ համով բաներ եմ տեսնում: Աշխատում եմ Կոկա-կոլայի դասին պատկանող ըմպելիքներ չօգտագործեմ, քանի որ մայրիկս ցույց է տվել, թե նրանք ինչ կերպ կարող են ազդել օրգանիզմի վրա:
Թեյը խմում եմ առանց քաղցրի՝ դոշաբով կամ մեղրով, շատ օգտագործում ենք դաշտային խոտաբույսեր:
Ճաշերի մեջ տատիկս ավելացնում է քրքում և իմբիրի փոշի:
Առողջության հետ կապված, երբ տան ինչ որ անդամ հիվանդնում է, նրա մեջքին՝ թոքերի հատվածում քսում ենք խոզի յուղ, գրիպի դեպքում՝ ալոեի հյութը կաթացնում ենք քիթը:
Քանի որ հիմա #Մնա տանը ընթացքն է, շատ բաների պարզապես չենք կարողանում հետևել՝ ելնելով ոչ բնականոն կյանքից:
ԻՄ ԿԱԶՄԱԾ ՑԱՆԿԸ
Շատ եմ սիրում գազար, 90%-ը ջուր է, հարուստ է բետակարոտինով եւ այլ անտիօքսիդանտներով, որոնք պաշտպանում են օրգանիզմը քաղցկեղից եւ ամրացնում սիրտ-անոթային համակարգը: Ավելացրեք գազարը աղցանի մեջ կամ օգտագործեք այն որպես միջուտեստ:
Շատ եմ սիրու ձու, հատկապես նախաճաշին՝ 
Սպանախը իր մեջ պարունակում է մագնեզիում, վիտամին C, որն անչափ օգտակար է առողջության համար:
Լոլիկ՝ օգնում է պայքարել քաղցկեղի դեմ:
Ելակը՝ լավ առումով օգնում է ուղեղի աշխատանքին
Բազուկ, նուռ՝ արյունն է ավելացնում:
Խնձոր՝ հարուստ է երկաթով, բայց չի կարելի ուտել ժամը 15:00 -ից հետո:
Սխտոր՝բարձրացնում է իմունիտետը և պաշտպանում տարատեսակ հիվադություններից:
Վնասակար մթերքներ
Մրգային յոգուրտները, որոնք շատերն ամեն օր ընդունում են, օգտակար չեն: Սովորաբար, դրանք պարունակում են շաքար, արհեստական հավելումներ և համեմունքների տեսականի: Հետևաբար, ավելի լավ է ընտրեք բնական յոգուրտներ՝ պիտանելիության փոքր ժամկետով: Կարող եք ընտրել նաև հայկական մածուն՝ ինքներդ ավելացնելով մրգային բնական հավելումներ:
Մակարոնեղեն
Մակարոնեղենը պարունակում է դժվարամարս ածխաջրեր, որոնք օրգանիզմը պահում է և վերածում ճարպի: Օգտակար են համարվում միայն մակարոնեղենի այն տեսակները, որոնք պատրաստված են ցորենի կոշտ տեսակներից: Դիետոլոգները խորհուրդ են տալիս շատ չեփել մակարոնը, որպեսզի այն չկորցնի օգտակար հատկանիշները:
Տուփերով հյութեր
Խանութներում վաճառվող տուփով հյութերը հիմնականում կազմված են թարմ հյութից և հավելումներից: Շատ դեպքերում նմանատիպ հյութերում կա շաքարի մեծ քանակություն:
Արագ սննդի կետերից գնված ուտելիքներ
Բուրգերներ, fastfood-ներ և նմանատիպ տարատեսակ սնունդ:
ՄԱՐԻ ՍԱՐԳՍՅԱՆ #ԼՈՒՆԱ 